🇲🇲 5 Signs You're Stuck In A Transition (And How To Break Through It)

ပတ်ဝန်းကျင်က အရာအားလုံးက ပြောင်းလဲနေပြီး လူတိုင်းက သူ့ဘဝနဲ့သူ ရှေ့ဆက်နေကြပေမယ့် ကိုယ်ကတော့ နေရာတစ်ခုမှာပဲ ရပ်တန့်နေတယ်လို့ ခံစားဖူးကြလား? 

ကိုယ် ရောက်ချင်တဲ့နေရာမှာလည်း ဟုတ်မနေဘူး။ ကိုယ် အရင်တုန်းက ရှိနေခဲ့တဲ့နေရာမှာလည်း ဟုတ်မနေဘဲ အတည်တကျဖြစ်မနေသေးသလို ထူးဆန်းတဲ့ ခံစားချက်မျိုးနဲ့ပေါ့။ ဒီလို ခံစားချက်မျိုးကို ကျွန်မတို့တွေ အကူးအပြောင်း ကြားကာလတွေမှာ ပိတ်မိနေသလိုဖြစ်တဲ့အခါ ခံစားရလေ့ရှိကြပါတယ်။

" ဒီနေရာမှာပဲ ငါ တစ်သက်လုံး ရပ်တန့်နေတော့မှာလား " ဆိုတဲ့ အတွေးတွေနဲ့ပဲ ပိတ်မိနေတဲ့ အချိန်ကာလမျိုးကို ကျွန်မတို့တွေ တော်တော်များများ ဖြတ်ကျော်ကြဖူးပါတယ်။ ဒါပေမဲ့ အမှန်တကယ်ကလေ ဒီ အကူးအပြောင်း ကြားကာလတွေဆိုတာ ခဏပါပဲ။ 

ပြီးတော့ ကိုယ်တိုင် ပိတ်မိနေတယ်လို့ ခံစားရတဲ့အချိန်တွေမှာ ကိုယ့်ကို ပြောပြနေတဲ့ ရှင်းလင်းပြတ်သားတဲ့ sign တွေ ရှိတတ်ပါတယ်။ ဒီလိုခက်ခဲတဲ့ အချိန်တွေကို ဖြတ်ကျော်ပြီး ဒီထက်ပိုကောင်းတဲ့ အခြေအနေကို ရောက်ဖို့၊ ရှေ့ဆက်သွားနိုင်ဖို့အတွက်လည်း နည်းလမ်းတွေ အများကြီးရှိပါတယ်။ 

အကူးအပြောင်း ကြားကာလတွေမှာ ပိတ်မိနေတယ်လို့ ခံစားစေရတဲ့ အချက်တွေက ဘာတွေလဲဆိုတာနဲ့ ဒါတွေကို ရင်ဆိုင်ကျော်ဖြတ်နိုင်စေမယ့် နည်းလမ်း ၅ ခုကို ကျွန်မ ပြောပြပေးချင်ပါတယ်။

၁။ နောက်ထပ် ဘာတွေဆက်ဖြစ်လာမလဲဆိုတာ ရှင်းရှင်းလင်းလင်းမသိတော့ဘဲ မသေချာမရေရာသလို ခံစားရမယ်။

အကူးအပြောင်း ကြားကာလတွေမှာ ပိတ်မိနေပြီဆိုတာကို သိသာစေတဲ့ အကြီးမားဆုံးအချက်ကတော့ ဒါပြီးရင် ဘာတွေ ဆက်ဖြစ်မလဲဆိုတာ မသိတော့တဲ့ ခံစားချက်ပါ။ ကိုယ့်ဘဝရဲ့ အပိုင်းကဏ္ဍတစ်ခုပြီးဆုံးသွားပေမယ့် ရှေ့ဆက်သွားရမယ့်လမ်းကို သေချာမသိနေဘူး။ ဘယ်လိုမျိုးလဲဆိုတော့ ကမ္ဘာနှစ်ခုကြားမှာ ရှိနေသလိုမျိုးပေါ့..ဒီနေရာမှာ နေချင်တာလည်း မဟုတ်သလို နောက်တစ်နေရာကို သွားဖို့ကလည်း မသေချာဘူး ဖြစ်နေတာမျိုးပေါ့။

ဒါကို ဘယ်လို ရင်ဆိုင် ကျော်ဖြတ်ရမလဲ?

ကိုယ်ဖြစ်ချင်တဲ့အရာကို မျက်စိရှေ့မှာ ကွက်ကွက်ကွင်းကွင်း မြင်ရတော့မှ သေချာတယ်လို့ မမှတ်ယူဘဲ သေးငယ်တဲ့အရာလေးတွေကနေ စလုပ်ကြည့်ပါ။ ခြေလှမ်းလေးတစ်လှမ်းစာဘဲ ရှိနေတယ်ဆိုရင်တောင် ဒီနေ့တော့ ကိုယ့်မျက်စိရှေ့မှာ ရှိနေတဲ့အရာကိုပဲ အာရုံစိုက်ပါ။

တစ်ခါတလေမှာ ကျွန်မတို့ ရှာဖွေနေတဲ့ ရှင်းလင်းပြတ်သားမှုက တခြားနေရာတွေကနေ မဟုတ်ဘဲ ကျွန်မတို့ရဲ့ လုပ်ဆောင်ချက် action တွေကနေပဲ လာတာပါ။ခြေလှမ်းသေးသေးလေးတွေ တစ်လှမ်းချင်းဆီ လှမ်းတာက ကိုယ့်ရဲ့ပန်းတိုင်က ဘာလဲဆိုတာ သေချာ မသိသေးရင်တောင် ရှေ့ကို ဆက်သွားနိုင်စေတဲ့ အရှိန်ကို ဖန်တီးပေးပါလိမ့်မယ်။

၂။ ကိုယ့်ကိုယ်ကိုယ် အမြဲတမ်းလိုလို second-guessing လုပ်မိလာမယ်။

တကယ်လို့ ကိုယ်က အကူးအပြောင်း ကြားကာလကို ရောက်နေတဲ့အခါ သံသယစိတ်တွေက ကျွန်မတို့ကို အချိန်ပြည့် လွှမ်းမိုးထားတတ်ပါတယ်။ ကိုယ် ချလိုက်တဲ့ ဆုံးဖြတ်ချက်တိုင်း၊ ကိုယ် သွားနေတဲ့ လမ်းကြောင်းတိုင်းကို " တကယ်လို့ ငါ ရွေးချယ်တဲ့ လမ်းက မှားသွားရင် ဘယ်လိုလုပ်မလဲ။ 

ငါ ချထားတဲ့ ဆုံးဖြတ်ချက်က မှားနေရင် ဘယ်လိုလုပ်မလဲ။ ငါ ကျရှုံးသွားရင်ကော ဘယ်လိုလုပ်မလဲ။ " ဆိုပြီး မေးခွန်းတွေ ထုတ်မိနေပါလိမ့်မယ်။

ဒါကို ဘယ်လို ရင်ဆိုင် ကျော်ဖြတ်ရမလဲ?

အရင်ဆုံး သံသယစိတ်တွေဆိုတာ ပြောင်းလဲမှုဖြစ်စဥ်ရဲ့ တစ်စိတ်တစ်ပိုင်းပဲ ဆိုတာကို နားလည်စေချင်ပါတယ်။ ဒီလိုသံသယစိတ်တွေဖြစ်လာတာက ကိုယ်က လမ်းမှားရောက်နေတာ မဟုတ်ဘဲ တိုးတက်ပြောင်းလဲလာတာပါ။ 

" တကယ်လို့ " ဆိုတာတွေကို အာရုံစိုက်နေမယ့်အစား " ကိုယ်က ကိုယ့်ရဲ့ တန်ဖိုးတွေနဲ့ ကိုက်ညီတဲ့ လမ်းကြောင်းကို လျှောက်နေတာ ဟုတ်ရဲ့လား" ဆိုတဲ့ ကိုယ့်ရဲ့ စစ်မှန်တဲ့ ရည်ရွယ်ချက်ကိုပဲ အာရုံစိုက်ပါ။ 

ကိုယ် သွားချင်တဲ့ လမ်းကြောင်းအမှန်ပေါ်ကို ရောက်ဖို့ ကိုယ်ကိုယ်တိုင်ကပဲ လမ်းဖောက်သွားရမှာဖြစ်ပါတယ်။ အရေးကြီးဆုံးကတော့ ဘာတွေပဲ ကြုံလာကြုံလာ ကိုယ့်​ကိုယ်ကို ယုံကြည်မှု အပြည့်ထားပြီး ရှေ့ဆက်လျှောက်လှမ်းနေဖို့ပါပဲ။

၃။ အတိတ်ကိုပဲ ဆုပ်ကိုင်ထားမိမယ်။

ကိုယ် လုပ်နေကြ နည်းလမ်းဟောင်းတွေကိုပဲ ဆက်ပြီး လုပ်နေမိတယ် ဒါမှမဟုတ် အရင်က အချိန်တွေ၊ အကြောင်းအရာတွေဆီကိုပဲ ပြန်သွားနေမိတယ်ဆိုရင် ဒါက ကိုယ့်အနေနဲ့ ပြောင်းလဲဖို့ကို ကြောက်ရွံ့နေတယ်ဆိုတဲ့ လက္ခဏာပါပဲ။ အတိတ်ကို ဆုပ်ကိုင်ထားတာက လုံခြုံတယ်လို့ ခံစားကောင်း ခံစားရနိုင်ပေမယ့် တကယ်တော့ အဲ့တာက ကိုယ့်ကို ရှေ့ဆက်မသွားနိုင်အောင် တားဆီးနေတာပဲ ဖြစ်တယ်။

ဒါကို ဘယ်လို ရင်ဆိုင် ကျော်ဖြတ်ရမလဲ?

အရင်ဆုံး ကိုယ့်ကိုယ်ကိုယ် " ငါ ဘာကို ဆုံးရှုံးရမှာ ကြောက်နေမိတာလဲ " ဆိုပြီး မေးကြည့်ပါ။ တစ်ခါတလေမှာ ကျွန်မတို့ ဆုပ်ကိုင်ထားတာက အတိတ်ကိုမဟုတ်ဘဲ အတိတ်တုန်းက ရခဲ့တဲ့ သက်တောင့်သက်သာရှိမှု၊ စိတ်လုံခြုံမှု စတဲ့ စိတ်ခံစားချက်တွေကိုပဲ ဖြစ်ပါတယ်။

ဒါတွေကို သတိပြုမိတာနဲ့ အတိတ်ကို တဖြည်းဖြည်းလွှတ်ချလာနိုင်ပြီး အနာဂတ်မှာ ကိုယ့်အတွက် အသစ် အသစ်သော အရာတွေ၊ ပိုပြီး ကောင်းမွန်တဲ့အရာတွေ ရှိနိုင်တယ်ဆိုတဲ့ စိတ်လေးကို စပြီး လက်ခံနိုင်လာပါလိမ့်မယ်။

၄။ ပိတ်မိနေသလို ခံစားရပြီး တက်တက်ကြွကြွမရှိတော့ဘူး။

တကယ်လို့ ကိုယ်က အကူးအပြောင်း ကြားကာလကို ရောက်နေတဲ့အခါ ရှေ့ဆက်သွားဖို့ လုပ်နေတဲ့ အရာတွေ အများကြီးရှိပေမယ့် ဘာမှ ဖြစ်မလာဘဲတစ်နေရာထဲမှာပဲ လည်နေသလို ခံစားရတတ်တယ်။ အရင်တုန်းက ကိုယ့်မှာ ရှိခဲ့တဲ့ စိတ်ကူးအိပ််မက်တွေ၊ရည်ရွယ်ချက်တွေ၊ စိတ်အားထက်သန်မှုတွေက အဝေးကြီးမှာ ကျန်ခဲ့ပြီး အရာအားလုံးက ခက်ခဲနေသလို ခံစားနေရလိမ့်မယ်။

ဒါကို ဘယ်လို ရင်ဆိုင် ကျော်ဖြတ်ရမလဲ?

"ကိုယ် ဘာကြောင့် ဒါကို စပြီး လုပ်ခဲ့တာလဲ" ဆိုတာကို သေချာပြန်စဥ်းစားပြီး ကိုယ့်ရဲ့ စိတ်အားထက်သန်မှုကို ပြန်ရှာဖွေပါ။ အခုလက်ရှိ ကြုံတွေ့နေရတဲ့ အခြေအနေထက် ကိုယ့်အတွက် ဘယ်အရာက အရေးအကြီးဆုံးလဲဆိုတာကို အချိန်ယူပြီး စဥ်းစားပါ။ တစ်ခါတလေမှာ ကျွန်မတို့တွေ စိတ်အားထက်သန်မှု မရှိတော့ဘူးလို့ ခံစားရတာက ကိုယ်ဖြစ်ချင်တဲ့ အိပ်မက်ကို မေ့ထားမိလို့ပါပဲ။ 

ကိုယ့် အိပ်မက်ကို အကောင်အထည်ဖော်ဖို့အတွက် လုပ်ဖို့လိုအပ်တဲ့အရာတွေကို တစ်ဆင့်ချင်းဆီ ရောက်ရှိဖို့ လွယ်ကူတဲ့ ပန်းတိုင်လေးတွေအဖြစ် ခွဲခြားသတ်မှတ်ပြီး ပန်းတိုင်တစ်ခုကို ရောက်ရှိတိုင်း ကိုယ့်​ကိုယ်ကိုယ် ဂုဏ်ပြုပါ။

၅။ မွန်းကြပ်စရာကောင်းတဲ့ သံသရာထဲမှာပဲ ပိတ်မိနေတတ်တယ်။

ကျွန်မတို့တွေက ဘဝမှာ မသေချာ၊မရေရာမှုတွေနဲ့ ကြုံလာရတိုင်း မွန်းကြပ်စရာကောင်းတဲ့ သံသရာထဲကို လွယ်လွယ်လေးနဲ့ ရောက်သွားတတ်ကြတယ်။ ကိုယ့်စိတ်က လုပ်သင့်လုပ်ထိုက်တာတွေကို လုပ်နေပေမယ့် ဘာမှ မပြီးမြောက်တာမျိုး၊ မထူးခြားတာမျိုး ဖြစ်နေတတ်တယ်။ ဒါက ကိုယ်က အကူးအပြောင်း ကြားကာလတစ်ခုကို ရောက်နေပြီးတော့ ကိုယ့်ရှေ့မှာရှိနေတဲ့ မြူခိုးမြူငွေ့တွေကို ဘယ်လိုရှင်းလင်းရမလဲ မသိဘဲ ပိတ်မိနေတယ်ဆိုတဲ့ လက္ခဏာမျိုးပဲဖြစ်တယ်။

ဒါကို ဘယ်လို ရင်ဆိုင် ကျော်ဖြတ်ရမလဲ?

ကိုယ် ထိန်းချုပ်နိုင်တဲ့အရာတွေကိုပဲ အာရုံစိုက်ပြီး တခြားအရာတွေကို ကိုယ့်ရဲ့အတွေးထဲက ထုတ်လိုက်ပါ။ အရာအားလုံးကို ချက်ချင်းအဖြေရှာတွေ့ဖို့၊ သိနေဖို့လည်း မလိုအပ်ပါဘူး။  ဒါကြောင့် ကိုယ့်အနေနဲ့ ရှေ့ဆက်သွားဖို့အတွက် ဘယ်လောက်ပဲ သေးငယ်နေပါစေ...တစ်ရက်ချင်းဆီမှာ ကိုယ်လုပ်နိုင်မယ့် အရာတစ်ခုကိုပဲ အရင်ဆုံး ရွေးချယ်ပြီး စလုပ်ကြည့်ပါ။ 

အရာအားလုံးကို တစ်ပြိုင်နက်ထဲ လုပ်ဖို့ ကြိုးစားတာကနေ စိတ်ပင်ပန်းလာရပြီး မွန်းကြပ်လာတတ်ပါတယ်။ ကိုယ် လုပ်စရာရှိတဲ့အရာတွေကို ရိုးရိုးရှင်းရှင်းပဲ မှတ်ထားပြီး ဦးစားပေးလုပ်ရမယ့် အရာတစ်ခုတည်းပေါ်မှာပဲ သေချာအာရုံစိုက်ပြီး လုပ်တာက ကိုယ့်ရဲ့ အတွင်းထဲက ဆူညံသံတွေကို လျှော့ချပေးနိုင်ပါလိမ့်မယ်။

“ပြုပြင်ပြောင်းလဲမှုဆိုတာက ကိုယ်ကိုယ်တိုင်ကပဲ စပြီး လုပ်ရမယ့် အရာဖြစ်ပါတယ်။”

အကူးအပြောင်း ကြားကာလတစ်ခုမှာ ရောက်နေတာက ခက်ခဲရတယ်ဆိုပေမယ့် ဒီအချိန်က ကိုယ့်အတွက် အခွင့်အရေးတစ်ခုလည်း ဖြစ်ပါတယ်။ ဒီအချိန်က ကိုယ့်ကိုယ်ကိုယ် ပြန်ရှာဖွေပြီး၊ ပြန်သုံးသပ်ပြီး ရှေ့ဆက်လျှောက်လှမ်းရမယ့် လမ်းခရီးကို စစ်မှန်တဲ့ ရည်ရွယ်ချက်နဲ့ လျှောက်လှမ်းရမယ့် အချိန်ဖြစ်ပါတယ်။ 

ကျွန်မ ပြောခဲ့သလိုပဲ ဒီအချိန်မှာ အရာအားလုံးကို သိနေဖို့၊ အဖြေရှာတွေ့ဖို့ မလိုပါဘူး။ သေးငယ်တဲ့အရာလေးတွေကနေ စကြည့်ပါ။ ကိုယ့်​ကိုယ်ကိုယ် ယုံကြည်ပြီး ပထမဆုံး ခြေလှမ်းကို စလှမ်းလိုက်ဖို့ပဲ လိုပါတယ်။

တကယ်လို့ အခု ကိုယ်က အကူးအပြောင်း ကြားကာလတစ်ခုမှာ ပိတ်မိနေတယ်လို့ ခံစားနေရတယ်ဆိုရင် တစ်ယောက်ထဲ ရင်ဆိုင်ဖြေရှင်းဖို့ မလိုပါဘူး။ 

---

ကိုယ်သွားချင်တဲ့ နေရာနဲ့ ကိုယ်လက်ရှိရောက်နေတဲ့နေရာ ကြားထဲမှာ ဘာလုပ်ရမယ်မှန်းမသိဘဲ ပိတ်မိနေသလိုမျိုး ခံစားနေရလား။

ကျွန်မရဲ့ Between Worlds Masterclass မှာ လက်ရှိ ကိုယ် ကြုံတွေ့နေရတဲ့ မသေချာ၊မရေရာမှုတွေကို ရင်ဆိုင်ကျော်ဖြတ်နိုင်မယ့်၊ ကိုယ် လိုအပ်နေတဲ့ ရှင်းလင်းပြတ်သားတဲ့ အဖြေတွေကို ရှာဖွေနိုင်မယ့် ထိရောက်တဲ့ နည်းလမ်းတွေကို ပြောပြပေးသွားမှာပါ။

ဒါကြောင့် Between Worlds Masterclass ကို join လုပ်ပြီး ကိုယ့်ဘဝရဲ့ နောက်ထပ် အပိုင်းကဏ္ဍတစ်ခုကို အကောင်းဆုံး ပုံဖော်လိုက်တော့နော်။

---

တကယ်လို့ ဒီ blog post က သင့်အတွက် အကူအညီဖြစ်စေတယ်ဆိုရင်၊ ကိုယ့်လိုပဲ အခုလက်ရှိမှာ အကူးအပြောင်း ကြားကာလတစ်ခုမှာ ပိတ်မိနေတဲ့သူရှိတယ်ဆိုရင် သူ့ကိုလည်း ဒီစာလေး မျှဝေပေးပြီး အားပေးလိုက်ပါဦးနော်။

---

Arabelle is a Speaker, Entrepreneur, creative, CEO, and solo mama. With a background in investment banking, she helps clients in over 110 countries unlock potential and pursue freedom. She lives between Dubai and Perth, believing real change starts from within.

---